Բեզեով այս ռուլետն իրապես կխենթացնի բոլորին, որովհետև այն շատ նուրբ է, փափուկ և անմահական համ ունի։ Անպայման փորձեք պատրաստել և վայելել այս հրաշքը:
Անհրաժեշտ է
Սպիտակուց՝ 6 հատ
Լիմոնի աղ՝ 1 պտղունց
Շաքարի փոշի՝ 200 գ
Կրեմ
Սերուցք 33 տոկոսանոց՝ 150 մլ
Կաթնաշոռային պանիր՝ 200 գ
Շաքարի փոշի՝ 70 գ
Մրգեր ու հատապտուղներ՝ ըստ ցանկության
Պատրաստման եղանակը
Սպիտակուցներին ավելացրեք լիմոնի աղը և սկսեք հարել ցածր արագությամբ։ Հենց զանգվածը մի փոքր կուռչի, աստիճանաբար փոխեք արագությունը՝ բարձրացնելով այն: Երբ սպիտակուցները պնդանան, աստիճանաբար ներմուծեք շաքարի փոշին: Թխելու համար նախատեսված թուղթը դրեք ջեռոցի կաղապարի մեջ և վրան լցրեք սպիտակուցը՝ տարածելով ողջ տարածքով հավասարաչափ: Տակը դրեք ջեռոցի ցանցը և թխեք 160 աստիճանի ներքո՝ 15 րոպե: Սառեցրած սերուցքին ավելացրեք կաթնաշոռային պանիրն ու շաքարի փոշին և հարեք ձեռքի հարիչով մինչ ուռչի:
Բիսկվիթի պատրաստությունն ստուգելու համար նայեք նրա վերևի հատվածին այն պետք է կեղևով ծածկվի, բայց հետևեք, որպեսզի չչորանա։ Հետո զգուշորեն շուռ տվեք կաղապարը սիլիկոնային գորգիկի կամ սրբիչի վրա և հանեք թուղթը: Վրան լցրեք կրեմ՝ մի փոքր թողնելով զարդարելու համար՝ 1 ճ/գ: Կրեմի վրա դրեք հատապտուղները ու մրգերը: Ռուլետ փաթաթեք, վերև գծով կրեմ դրեք և զարդարեք հատապտուղներով և անանուխի թերթիկներով։ Թողեք սառնարանում մի քանի ժամով:
