Լրատվամիջոցները հանրային կարծիք ներկայացնելու համար հաճախ են փողոցային հարցումներ կազմակերպում, որոնցից որոշ դրվագներ հաճախ շատ քննարկումների և տարակարծությունների առիթ են տալիս։
Հերթական քննարկումների, քննադատությունների ալիքն ուղղված է մի տարեց կնոջ արտահայտած մտքերի հասցեին։ Տիկինն իր խոսքում այն տեսակետն էր հայտնել, որ Շուշին հայկական չէ, առհասարակ Արցախը գրավել են մերոնք։
Այս հատվածը լայնորեն տարածվել է համացանցում։ Օգտատերերից մեկը՝ Վարդան Գալստյանը գրել է․ «Ես խիստ զայրացած եմ և հիասթափված ոչ թե այս տարեց կնոջ ասածներից, այլ այն հայ լրագրողներից, որոնք հակապետական հակաքաղաքական, կարծես միտումնավոր նման հոլովակներ են տեղադրում համացանցերում։
Այն էլ այս պшյթյունային, ծանր իրավիճակում, երբ համացանցերի 50%-ը թուրք-ադրբեջանական օգտատերերն են մեզ հետևում ու կարդում են ամեն ինչ։ Այս հոլովակը պտտվում է ամենուր՝ պատճառելով մեր թշնամուն ուրախություն և հրճվանք, իսկ ոմանց էլ՝ նման տրամաբանությամբ մարդկանց, տեղիք է տալիս մտածելու Արցախի պատկանելության մասին։
Հարգելի՛ լրագրողներ, մի՛ արեք նման բան»:
