Ֆեսյբուքյան օգտատեր Գոհար Գրիգորյանը մի ուշագրավ գրառում է արել: Նա ներկայացրել է թե ինչ տարօրինակ և հետաքրքիր բարեգործության եղանակ է մտածել և իրականացրել հնդիկ դերասան Ամիր Կխանը:
Դերասանը հայտարարել է, որ պատրաստվում է մարդկանց ալյուր բաժանել, ընդ որում՝ յուրաքանչյուր մարդուն մեկ կիլոգրամ ալյուր: Այս օգնության առաջարկը շատերի համար անհեթեթ և նույնիսկ ծիծաղելի է թվացել և շատերը չեն գնացել օգնությունը ստանալու:
Օգնությունը արդյունքում եկել են ստանալու նրանք, ում այդ մեկ կիլոգրամ ալյուրն անչափ անհրաժեշտ է եղել: Ալյուրի տոպրակները տուն տանելով՝ մարդիկ բացել և տեսել են, որ այնտեղ կա նաև որոշակի գումար՝ 15.000 ռուպի, որը համապատասխանում է հայկական 95 հազար դրամին:
Այսպիսով՝ դերասան Ամիր Կխանի խելամիտ քայլը ծառայել է իր նպատակին և նրա տրամադրած օգնությունից օգտվել են հենց նրանք, ովքեր իսկապես ունեցել են դրա կարիքը:
