Հայկական բազմաթիվ ֆիլմերում մեծ հաջողությամբ հանդես եկած դերասան Ռազմիկ Արոյանի ծնունդով Իրանի Թեհրան քաղաքից է։ Նա իրանում հաճախել է թատերական խմբակ, իսկ 1960-ականների վերջեին Հայաստան է տեղափոխվել։
Այստեղ նա շարունակել է թատերական կրթություն ստանալ՝ հաճախելով Աճեմյանի թատրոն-ստուդիա։ Իր արտիստական տաղանդի շնորհիվ շուտով դարձել է Աճեմյանի սիրելի ուսանողներից մեկը։ Հանդես է եկել տարբեր թատրոններում, նկարահանվել է ֆիլմերում։
Ռազմիկ Արոյանը շուրջ երեսուն ֆիլմերում է հանդես եկել։ Նա բախտ է ունեցել խաղալու Բաբկեն Ներսիսյանի, Խորեն Աբրահամյանի և այլ լեգենդար արտիստների հետ։
Հաջողակ դերասանի կյանքն այնքան էլ հաջող չի դասավորվել։ Նա ծերության տարիներին բավականին դժվարին կյանք է ունեցել։ Մի քանի տարի ապրել է ծերանոցում։ Արտիստի մասին չեն հիշել մտերիմներն ու ընկերները։
Ռազմիկ Արոյանը, ցավոք սրտի, մահացել է թոքերի քաղցկեղի պատճառով։ Նրա կերտած դերերը մինչ այսօր էլ օրինակ են, նրա մասնակցությամբ ֆիլմերը շարունակում են հաճույքով դիտվել։
