Ինչու գնել, եթե կարող եք տանն ավելի համեղը պատրաստել։ Ահա այս հրաշալի երշիկը, որը պատրատվում է արագ ու հեշտ։
Անհրաժեշտ է
Հավի բդեր՝ 700 գ
Հավի ֆիլե՝ 150 գ
Տավարի միս՝ 150 գ
Աղ՝ 1 թ/գ
Շաքարավազ՝ 1 թ/գ
Սխտորի փոշի՝ 1 թ/գ
Մշկընկույզ՝ 1/3 թ/գ
Սև պղպեղ՝ ըստ ճաշակի
Օսլա՝ 15-20գ
Պատրաստման եղանակը
Մեկ հավի բուդը մի կողմ դնել, մնացածներն աղալ՝ վերածելով ֆարշի: Հավի բուդը, հավի ֆիլեն և տավարի միսը կտրատել փոքրիկ խորանարդիկների: Ֆարշը խառնել կտրտած մսի կտորների հետ․ ավելացնել համեմունքները և օսնան:
Ֆարշը բաժանել երկու մասի, դնել երշիկ պատրաստելու համար նախատեսված թաղանթի մեջ, ձևավորել երշիկը և ծայրերը ֆիքսել: Մի քանի տեղ ծակել ատամի չոփով կամ ասեղով, որպեսզի չպայթի թխելու ժամանակ: Թխել 200 աստիճանի ներքո՝ 30-40 րոպե։ Թողնել սառչի և մատուցել: