Համեղ տորթ «Կեչի», որը կհիացնի բոլորին․ անպայման փորձեք։ Շատ համեղ կաթնաշոռային տորթ՝ շոկոլադով և ընկույզով, պատրաստվում է շատ հեշտ, ստացվում նուրբ ու փափուկ աղանդեր, որ ուտեք կհալչի բերանի մեջ։
Անհրաժեշտ է
Կաթնաշոռ՝ 540 գ
Խտացրած կաթ՝ 150գ
Սերուցք՝ 150գ
Ընկույզ՝ 60գ
Շոկոլադ՝ 60գ
Չամիչ՝ 60գ
Ժելատին՝ 10 գ
Կաթ՝ 60գ
Վանիլային չորահացեր՝ 200գ
Կաթ՝ 100մլ
Պատրաստման եղանակը
Կաթնաշոռը միավորել սերուցքի հետ և բլենդերել, ներմուծել խտացրած կաթը և վանիլինը: Ժելատինը թրջել կաթի մեջ՝ մինչ ուռչի, հետո դնել գոլորշու վրա ու հալեցնել՝ մինչ պատրաստ կլինի: Ժելատինը ներմուծել կաթնաշոռային զանգվածի մեջ և հարել հարիչով: Միավորել կրեմը՝ մանրացրած ընկույզի, շոկոլադակտորների և չամիչի հետ:
Վանիլային չորահացերը թաթախել կաթի մեջ և շարել մատուցամանի վրա, վրայից դնել կրեմի կեսը, հետո կրկին չորահացերի շերտը, ապա կրեմապատել, ծածկել սննդային թաղանթով և մեկ գիշերով թողնել սառնարանում: Հանել տորթը սննդային թաղանթից, զարդարել և մատուցել:
