Այսօր հիանալի տեղեկություն է տարածվել․ Չինաստանն այս ծանր իրավիճակում օգնության ձեռք կմեկնի Հայաստանին՝ կորոնավիրուսյան վարակի դեմ պայքարում։ ՀՀ արտգործնախարարի տեղակալ Ավետ Ադոնցն այսօր տեսազանգով զրուցել է Հայաստանում Չինաստանի դեսպան Տյան Էրլունի հետ՝ քնննարկելով կորոնավիրուսյան իրավիճակը։ Կողմերը տեղեկություններով փոխանակվեցին՝ ինչպես են երկու երկրների ղեկավարները պայքարում համավարակի դեմ։
Ադոնցը չին պաշտոնյայից աջակցություն է խնդրել հատուկ բժշկական հագուստի, դիմակների և թոքերի արհեստական օդափոխության սարքերի մատակարարման հարցում։ Դեսպան Տյանն էլ նշել է՝ Չինաստանը պատրաստ է հավելյալ աջակցություն ցուցաբերել և անհատույց ուղարկել վերոնշյալները՝ 110 հազար դոլար արժողությամբ։
Ադոնցը շնորհակալություն է հայտնել Տյանին նաև կորոնավիրուսն ախտորոշող 1008 թեստերի տրամադրման համար, որոնք վերջերս մատակարարվել էին Հայաստան։
Ինչ խոսք, անչափ հուզիչ է չին ղեկավարների աջակցությունն ու անհատույց օգնության պատրաստակամությունն այս ծանր շրջանում, երբ նրանց երկիրն ահասարսուռ վիճակում է՝ կորոնավիրուսյան աղետի պատճառով։
