Րոպեներ առաջ առողջապահության նախարարության պաշտոնական էջը և նախարարի մամլո խոսնակ Ա. Նիկողոսյանը իր էջով սոցցանցային հրապարակում արեց, որով տեղեկացնում էր մի ցավալի դեպքի մասին: Հրապարակումից տեղեկանում ենք, որ երեկ «Նորք» ինֆեկցիոն բուժհաստատություն է դիմել մի քաղաքացի:
Նրան բժշկական հետազոտության են ենթարկել, որից հստակվել և պարզվել է հետևյալը. պացիենտի մոտ եղել է շնչառական անբավարարություն և երկկողմանի թոքաբորբ: Քանի որ եղել է նաև նոր վիրուսի առկայության կասկած, նրանից վերցվել է նաև կորոնավիրուսի թեստ:
Թեստի պատասխանը բացասական է եկել: Նրա մոտ կորոնավիրուս չի հայտնաբերվել և մահը վրա է հասել թոքերի ախտահարման, այլ ոչ թե հայտնի վիրուսի պատճառով: Հիվանդանոցի բուժանձնակազմն ամեն հնարավոր բան արել է հիվանդին փրկելու համար, սակայն, ցավոք, նրանց չի հաջողվել փրկել նրա կյանքը. նա այսօր մահացել է:
Դեռևս հայտնի չէ, թե մահացածը ինչ տարիքային խմբի է պատկանում և ով է նա: Կից ներկայացնում ենք Ա. Նիկողոսյանի հրապարակումը:
