Եվրատեսիլյան երգի մրցույթի կազմակերպիչները պաշտոնապես հայտարարել են՝ այս տարի Ռոտեևդամում կայանալիք երգի մրցույթը չի կայանալու։
«Մեծագույն հիասթափությամբ ստիպված ենք հայտնել Եվրատեսիլ-2020-ի չեղարկման մասին։ Եվրատեսիլյան մեծ ընտանիքը կշարունակի սեր ու աջակցություն պարգևել միմյանց՝ ամբողջ աշխարհում՝ այս բարդ ժամանակներում»,- նշել են կազմակերպիչները՝ հայտնելով՝ վերջին շաբաթներին բազմաթիվ տարբերակներ էին դիտարկվել՝ մրցույթն անցկացնելու այլընտրանքի շուրջ, բայց կորոնավիրուսյան վարակի տարածման պատճառով վերջանական նման որոշում է կայացվել։
Հայտարարվեց՝ մրցույթը կանցկացվի ուղիղ մեկ տարի անց՝ նույն վայրում, նույն մասնակիցներով, սակայն մասնակիցները պետք է նոր երգեր ներկայացնեն, քանզի այս տարվա համար նախատեսվածներն արդեն հրապարակվել են։
Հիշեցնենք՝ Հայաստանը եվրատեսիլյան մրցույթում պետք է ներկայացներ նրբադեմ Աթենա Մանուկյանը՝ իր աննման երգով։ Օրերս նա ներկայացրել էլ նաև տեսահոլովակը, որը մեծ հավանության էր արժանացել երկրպագուների կողմից, սակայն նա հիմա կներկայացնի նոր՝ վստահորեն էլ ավելի հրաշալի կատարում։
