Մարտի 8-ի ջերմ ու բարի խորհրդով նոր պրեմիերա է ներկայացրել Dominoproduction-ը` նվիրված աշխարհի ութերորդ հրաշալիք՝ մեր հոգատար ու սրտացավ, մեր ամենաբարի և ամենալավ խորհրդատու մայրերին: Dominoproduction-ը ստացել է բացառիկ իրավունք Mamamusic.ua-ից` պատրաստելու և ներկայացնելու «Плакала» երգի հայերեն տարբերակը:
Տեսանյութը հրապարակվել է մարտի 7-ին, բայց պետք է տեսնեք, թե փոքրիկներն իրենց հրաշագեղ, մաքրամաքուր ձայնային տվյալներով, ինչ լավ են կարողացել կատարել իրենց առջև դրված մեծ պատախանատվությունն ու երգել «Մամա» խորագրով այս հիասքանչ կատարումը:
Պետք է նաև նշել, որ փոքրիկներին հաջողվել է հուզմունք առաջացնել հանդիսատեսի մեջ, որոնց վառ ապացույցն էլ մեկնաբանություներ դաշտում հազարավոր հանդիսատեսից թողնված գրառումներն են: Հրաշալի աշխատանք է ներկայացված, իսկ ավելի հրաշալին այն է, որ մենք այս գեղեցիկ կատարումը մեծաքանակ փոքրիկների շուրթերից ենք լսում՝ այսքան անկեղծ և այսքան մաքուր:
Սոցցանցերում տեսանյութի հրապարակման գրառումները բոլորն սկսվել են հետևյալ տողերով. «Ք՜եզ, որ ժպտաս, մա՜յրիկ»:
