Հայազգի գեղասահորդ Արթուր Դանիելյանը, որը հանդես է գալիս Ռուսաստանի դրոշի ներքո, արծաթե մեդալ է նվաճել գեղասահքի Եվրոպայի առաջնությունում, որն ընթանում էր ավստրիական Գրաց քաղաքում։ Սա մեր տաղանդավոր հրաշալի մարզիկի առաջին մասնակցությունն էր նման մակարդակի առաջնությանը և միանգամից մեդալային է նրա համար։
Դանիելյանը երկրորդ տեղն է գրավել ստուգատեսին՝ վաստակելով արժանի 246,74միավոր՝ զիջելով միայն Ռուսաստանի մյուս ներկայացուցիչ Դմիտրի Ալիևին, ով վաստակել է 272,89միավոր։ Բրոնզե մեդալին արժանացել է Վրաստանի ներկայացուցիչ Մորիս Կվիթելաշվիլին։
Բացի այդ, Արթուր Դանիելյանը Ռուսաստանի գործող փոխչեմպիոն է, ով այդ նվաճմանը հասել է 2019ի վերջին՝ 16 տարեկանում։
«Չէի սպասում, որ պատվո պատվանդանին կլինեմ։ Այստեղ է գալիս արժանի ելույթ ցույց տալու և հայտնելու իմ մասին մեծահասակների մակարդակին՝ հասկանալու համար՝ կկարողանամ, արդյոք, մրցակցել մեծահասակ մարզիկների հետ և իրենց ֆոնին արժանի տեսք ունենալ»,- նշել է Դանիելյանը։