Համացանցում տարածվել է ու բուռն քննարկման առիթ է դարձել նոր երգչուհու՝ Անգելինա Ավետյանի տեսահոլովակը՝ «Մեղքս որն է»։ Երգի խոսքերն ու երաժշտությունը հեղինակել է ինքը՝ Անգելինան, իսկ տեսահոլովակի ռեժիսորը Տիգրան Ավետիսյանն է։
Տեսահոլովակի ողջ ընթացքում Անգելինան երաժիշտների հետ նստած երգում է՝ արցունքներն աչքերին։ Անչափ հուզիչ է։ «Թե մեղքս որն է, որն է, որ ինձ տանջել ես, միշտ էլ դու անտեսել ես, տրորել։ Թե մեղքս որն է, որն է, որ ավիրել ես, կյանքս հիմքից քեզնով քանդել ես, սիրտս տրորել»,- երգում է հուզված Անգելինան։
Երկրպագուների շրջանում, սակայն, երգը միանշանակ չի ընդունվել։ Շատերը չեն հավանել կատարումը՝ այն անտաղանդ անվանելով։
Մյուսներն էլ համարում են Անգելինային տրանսգենդեր և երգը քարոզ որակում, սակայն ավելի վաղ երգչուհին նշել է, որ տրանսգենդեր չի, կին է ծնվել և իրեն ներդաշնակ է զգում։
