Հայտնի երգիչ Արամ Ասատրյանի որդին՝ Տիգրան Ասատրյանը ներկայացրել է «Բայց դու» երգի իր կատարումը՝ Լևոն Աբրահամյանի գործիքավորմամբ։ Հիշեցնենք՝ երգը մինչ Տիգրանը կատարել են նաև Ալիկ Գյունաշյանը և Ձախ Հարութը։
Ինչ խոսք, անզուգական կատարում է՝ հրաշք է պարզապես։ Երգը երբ լավն է լինում, անմահություն է ձեռք բերում։ Տիգրանի համար իրապես մեծ պատիվ է այս հսկաներից հետո այդ երգը կատարելը։ Բայց Ասատրյանը, իր մեծ փորձի ու անսահման տաղանդի շնորհիվ, պատվով է դուրս եկել իրավիճակից։
Իր շուրթերից երգը նորովի է հնչում՝ գերելով ամեն նոտայից, ամեն պահի ձգելով ու ստիպելով կրկին ու կրկին լսել այդ հրաշք կատարումը։
Կարևոր չէ, որ շատերն անգիր գիտեն բառերը, Տիգրանի դեպքում դրանք նոր նշանակություն ու երանգ են ստանում՝ անկրկնելի, հուզառատ, սիրով լի։ Ասատրյանն ապացուցում է՝ լավագույններից է իր ոլորտում։
