Ֆրանսիայում օրերս պատմական հարսանիք է տեղի ունեցել։ Ամուսնացել է Նապոլեոն Բոնապարտի ապու-ապութոռը՝ Ժան Կրիստոֆը։ Նրա ընտրյալը կոմսուհի Օլիմպիա Ֆոն Ցու Արկո-Զիններբերգն է, որը Նապոլեոնի երկրորդ կնոջ՝ Մարիա-Լուիզայի ապու-ապութոռնուհին է։
Հարսանիքը պատմական է նրանով, որ Ֆրանսիայի և Ավստրիայի ընտանիքները միավորվում են պատմության մեջ երկրորդ անգամ՝ Նապոլեոնի և Մարիա-Լուիզայի հարսանիքից հետո։ Զույգը նշել է, որ իրենց միությունը ոչ մի կերպ կապ չունի քաղաքականության հետ և հիմնված է սիրո վրա։
Հարսանիքին հրավիրված են եղել Ֆրանսիայի, Ավստրիայի, Գերմանիայի, Իտալիայի, Բելգիայի, Լյուքսեմբուրգի ազնվատոհմ ընտանիքների ներկայացուցիչները։ Հարսը կրում էր «Oscar de la Renta» բրենդի հարսանյաց զգեստ՝ երկար քողով, ադամանդյա ականջողերով և տիարայով։
Զույգը նշանադրվել է հունվարին։ Ժան-Կրիստոֆը սիրելիին 40-կարատանոց ադամանդով մատանի է նվիրել։ Այդ քարը հանվել է Ֆրանսիայի վերջին կայսրուհու՝ Նապոլեոն 3-րդի կնոջ՝ Եվգենիայի թագից։
