Հիասքանչ համեղ և հեշտ պատրաստվող կաթնաշոռային կեքս «Հրաշք»: Այն պարզապես անկրկնելի է և կարելի է նույնիսկ օգտագործել ամանորյա սեղանի համար: Պետք է պարզապես խառնել բաղադրիչները և թխել. կեքսը կստացվի պարզապես աներևակայելի համեղ:
Անհրաժեշտ է
Կաթնաշոռ՝ 300 գ
Ձու՝ 4 հատ
Հալեցրած սերուցքային կարագ՝ 100 գ
Շաքարավազ՝ 70 գ
Վանիլին՝ 10 գ
Ալյուր՝ 200 գ
Փխրեցուցիչ՝ 10 գ
Աղ՝ 1 պտղունց
Ըստ ցանկություն
Չամիչ՝ 70 գ
Լիմոնի քերուկ
Պատրաստման եղանակը
Ձուն և շաքարը միավորել վանիլինի աղի և հալեցրած կարագի հետ, ավելացնել կաթնաշոռը և խառնել։ Եթե ցանկանում եք, որպեսզի պատրաստի կեքսում չլինեն կաթնաշոռի գնդիկներ, ապա կաթնաշոռը նախապես անցկացրեք բլենդերով, որպեսզի միասեռ դառնա։ Եթե սիրում եք գնդիկներով կաթնաշոռ, ապա ոչինչ մի արեք. վերցրեք գնդիկավոր կաթնաշոռ: Փխրեցուցիչի հետ խառնած ալյուրը ավելացնել զանգվածին։ Ըստ ցանկության կարելի է ավելացնել նաև լիմոնի քերուկ և չամիչ:
Թխել նախապես՝ 170-180 աստիճան տաքացրած ջեռոցում՝ 25-35 րոպե: Կեքսը պետք է բավականին կարմրած լինի և եթե փայտիկը մտցնեք մեջը, պետք է այն չոր լինի: Պատրաստի կեքսը թողնել սառչի 10-15 րոպե՝ առանց կաղապարից հանելու հետո հանել կաղապարից և ցանել շաքարի փոշի:
