Սիրված դերասանուհի Ալլա Վարդանյանը երեկ՝ հունվարի վեցին, բոլորել է ծննդյան վաթսուներկու տարին: Դերասանուհու ծննդյան օրվա առիթով ստորև ներկայացնում ենք մի քանի ուշագրավ փաստեր նրա կյանքից:
Ալլա Վարդանյանը ծնվել է Գերմանիայում՝ Պոտսդամ քաղաքում, սակայն նա մեծացել, կրթություն է ստացել Հայաստանում: Ալլա Վարդանյանը հաճախել է Երևանի թիվ 122 դպրոցը: Դպրոցից հետո Ալլա Վարդանյանն իր ուսումնառությունը շարունակել է Թատերական ինստիտուտում:
Ալլա Վարդանյանն ուսանել է լեգենդար Խորեն Աբրահամյանի խմբում: Այս փաստը մեծ նշանակություն է ունեցել դերասանուհու մասնագիտական հետագա ընթացքի և դրսևորումների վրա:
Ինչպես հայտնի է, Ալլա Վարդանյանն ընտանիք է կազմել տաղանդավոր մեկ այլ արտիստի՝ Արմեն Մարությանի հետ: Նրանք տարիներ շարունակ միասին են ոչ միայն կյանքում, այլ նաև բեմի վրա և իրենց դերակատարություններում:
Ցավոք սրտի, անցնող տարին ողբերգական ընթացք ունեցավ նաև այս գեղեցիկ ընտանիքի համար, քանի որ ողբերգական ավտովթարը պատճառ դարձավ դերասանական զույգի դստեր ընտանիքի բոլոր անդամների անժամանակ մահվան:
