Գոհար Ավետիսյանը, պարզվում է, ոչ միայն ակտիվ ու կենսախինդ անձնավորություն է, այլ նաև նրբազգաց ու դյուրաբորբ։ Գոհարին կարող է մինչև հոգու խորքը վշտացնել նաև անծանոթ մարդու կոպիտ վարմունքը։
Իր սոցհարթակում հայտնի վիյզաժիստը պատմել է փողոցում իր հետ պատահած անախորժ դեպքի մասին, ինչը նրան այնքան է հուզել և վիրավորել, որ նա նույնիսկ լաց է եղել։
Գոհարը մեքենայով կանգնած է եղել կարմիր լույսի տակ։ Նրան է մոտեցել մի տղամարդ՝ մեքենայով։ Տղամարդը իջեցրել է մեքենայի ապակին։
Նույնն արել է նաև Գոհարը՝ կարծելով, թե իրենք ծանոթ են և մարդն ինչ-որ կարևոր բան է իրեն ուզում ասել, կամ պարզապես ողջունել։
Սակայն Գոհարի համար անսպասելի կերպով տղամարդը նրան վիրավորական տոնով պահանջել է զգոն լինել ղեկին, հայհոյել է և հեռացել։
Դրանից հետո Գոհարը չի կարողացել զսպել արցունքները։ Նա իր ապրումների մասին պատմել է նաև հետևորդներին։
