Ամուսնության ինքնատիպ առաջարկով իր սիրելիին՝ Անի Արիստակեսյանին սիրո խոստովանություն և ընտանիք կազմելու առաջարկություն է արել Սիրաս Հակոբյանը։ Իրենց կյանքի կարևոր քայլի մեկնարկը զույգը տվել է Սևանա լճի հատակից։
Մտահղացման հեղինակը Սիրասն է, ով օրեր շարունակ նախ ուսումնասիրել ու ընտրել է Սևանի ամենից գեղատեսիլ ափերից մեկը, ապա սկսել է ջրի մեջ սուզվել սովորել, որպեսզի կարողանա իրականություն դարձնել իր գաղափարը։
Սիրասը երեք շաբաթ Անիից գաղտնի է պահել, թե ինչ անակնկալ է պատրաստվում մատուցել նրան։
Հատկանշական է, որ Անին լողալ չգիտի և նա առաջին անգամն է սիրելիի հետ սուզվել ջրի մեջ, որտեղ էլ նախ առաջարկություն, ապա մատանի է ստացել Սիրասից։
Սիրասի և Անիի մասնակցությամբ անչափ ռոմանտիկ ու գեղեցիկ տեսանյութը, որտեղ երևում է, թե Սիրասն ինչպես է առաջարկություն անում Անիին ու նրա մատին մատանի դնում, կարող եք դիտել վարը կցված նյութի մեջ։
