Հռիփսիմե Հակոբյանն իր ինստագրամյան էջում անչափ հետաքրքիր, հուզիչ ու ազդեցիկ հոլովակ է հրապարակել: Հոլովակում երգչուհին Ծիծեռնակաբերդի բարձունքից կատարում է կոմիտասյան հայտնի ու անկրկնելի «Կռունկ» երգը: Կատարումը հուզիչ ու անկրկնելի է նրանով, որ կենդանի հնչողությամբ է:
Բոլորին է հայտնի, թե ինչ նվիրական և խորհրդանշական նշանակություն ունի հայոց համար կռունկը, որն իր նշանակությամբ նույնիսկ բազմաթիվ գեղարվեստական ու բանահյուսական ստեղծագործություններում է տեղ գտել:
Կռունկն է եղել հայ պանդուխտի միակ ու հավատարիմ ընկերը, զրուցակիցն ու մխիթարողը: 1915 թվականից ի վեր պանդխտության մեջ հայտնված և ունեզրկված հայի համար հիմանական ապավենն այս թռչունն էր նաև:
Ահա թե ինչու է նվիրական նաև Հռիփսիմե Հակոբյանի այդ կատարումը հենց այդ վայրում՝ խոնարհված սյուների ներքո: Մի կողմ թողնելով մի շարք օգտատերերի հարցերը, թե նա ինչպե՞ս և ե՞րբ է հայտնվել այնտեղ (նրա հրապարակած հոլովակը նաև այսպիսի մեկնաբանությունների է արժանացել)՝ վայելենք կատարումը:
