Այսօր հանրահայտ ու անչափ սիրելի ֆուտբոլիստներից Հենրիխ Մխիթարյանը անսպասելի հրապարակում է արել՝ իրազեկելով, որ հայկական հավաքականի կողմից իր հետ առնչվող որոշում է կայացվել։ Ըստ այդմ որոշվել է միջազգային խաղերին մասնակցել առանց Մխիթարյանի։
Ֆուտբոլիստը մասնավորապես գրել է հետևյալը․ «Ինձ համար անսպասելի կերպով հայկական ազգային հավաքականի մարզչական կենտրոնից ինձ իրազեկել են, որ, ինձ չեն հրավիրելու առաջիկայի միջազգային խաղերին:
Բերված պաշտոնական պատճառաբանությունները իմ համար հիմնավոր ու համոզիչ չեն: Ամեն դեպքում, ես շարունակում եմ լինել մեր խաղացողների կողքին և հաջողություն եմ ցանկանում նրանց հետագա խաղերում»:
Սիրված ֆուտբոլիստի այս հայտարարությունը բավականին դժկամությամբ է ընդունվել շատերի կողմից, իսկ ընդդիմադիր ներկայացուցիչները հարցը դիտարկում են քաղաքական ասպարեզում՝ մեղադրելով ղեկավարությանը։
Հատկանշական է Լևոն Արոնյանի ընկերուհու՝ Անիտայի արձագանքը, ով գրել է․ «Հասանք Հենրիխ Մխիթարյանին: Չեմ զարմանա, որ հիմա էլ պարզվի, թե Մխիթարյանը «պոտենցիալ» չունի: Տրամաբանությունը նույնն է՝ նեղացնում են լավագույններին»։
