Կաթնաշոռային աղանդերը, մասնավորապես պիրոգները, ոչ միայն հասարակ, այլև համեղ են և օգտակար։ Այն պատրաստվում է շատ արագ ու հասարակ բաղադրիչներից։
Անհրաժեշտ է
Ալյուր՝ 260 գ
Կակաո՝ 40 գ
Շաքարավազ՝ 60գ
Աղ՝ 1 պտղունց
Կարագ՝ 180 գ
Փխրեցուցիչ՝ կես թ/գ
Կաթնաշոռ՝ 600 գ
Ձու՝ 3 հատ
Շաքարավազ՝ 100գ
Շոկոլադ՝ 50 գ
Վանիլին
Պատրաստման եղանակը
Ալյուրը միավորել կակաոյի և փխրեցուցիչի հետ՝ ներմուծելով շաքարավազն ու աղը, ապա սառեցրած կարագի հետ, որը քերվել է քերիչով, փշրանքների վերածել։ Զանգվածի 2/3 մասը դնել ջեռոցի կաղապարի մեջ, տափակեցնել ու կողքեր ձևավորել։ Բայց շատ տափակեցնել պետք չէ։
Կաթնաշոռը միավորել շաքարավազի, վանիլինի, հալեցրծ շոկոլադի ու ձվի հետ՝ բլենդերելով՝ մինչ միասեռանա։ Ցանկալի է յուղոտ կաթնաշոռ օգտագործել, հատկապես հրաշալի կլինի տնականի դեպքում։ Միջուկը լցնել խմորափշուրների վրա։ Վրայից լցնել խմորի 1/3-ը։ Թխել 40-50րոպե՝ 180աստիճանի ներքո։ Թողնել սառչի՝ կաղապարի մեջ։ Վրայից շաքարափոշի և լիմոնի կեղևաքերուկ ցանել։
