Թուրքիայում անտառային համատարած հրդեհները շարունակում են տարածվել, իսկ տեղացիներն էլ փորձում են հնարավոր բոլոր եղանակներով հանգցնել դրանք։ Հրդեհներն այնպիսի մասշտաբների են հասել, որ դուրս են եկել վերահսկելիության և կառավարելիության սահմաններից։
Քաղաքացիները տեխնիկական միջոցներին զուգահեռ փորձում են իրենց ուժերով հանգցնել տարածվող կրակը։ Թուրքիան տեխնիկական օգնություն է խնդրել տարբեր երկրներից, իսկ Ֆրանսիան ու Հունաստանն արդեն իսկ մերժել են այդ խնդրանքը։
Հատկանշական է, որ ոմանք կրակը հանգցնելու համար օգտագործում են նաև ծառի ճյուղեր։ Ստորև ներկայացված է մի տեսանյութ, որտեղ երևում է, թե ինչպես են թուրքերը փորձում իրար օգնելով ծառի ճյուղերով հանգցնել տարածվող կրակը։
Նկատելի է, որ մարդկանց մոտ համատարած խուճապի մթնոլորտ է տիրում, որքան էլ թուրքական ղեկավարությունը փորձի ուժեղ դիրքերից հանդես գալ։ Շատերին տարհանում են, հաճախակի են դարձել երկրաշարժները։ Այսօր առավոտյան ևս երկրաշարժ է գրանցվել։
