Ամառային այս հատվածում բավականին ուժեղ շոգերը, ուժեղ կայծակների պարբերաբար կրկնվելու հանգամանքները, ինչպես նաև կարկտային տեղումները բավականին լուրջ խնդիրներ են ստեղծել հայաստանցիների, մասնավորապես գյուղաբնակ վայրերի բնակիչների համար։
Առկա տվյալներից հասկանալի է դառնում որ այս շրջանում տեղացած կարկուտը ոչ միայն պտղատու ծառերն ու բանջարաբոստանային մշակաբույսերն է վնասել, այլ նաև մեծապես տուժել են հացահատիկային ցանքատարածությունները։
Հերթական տեսագրությունն է ուղարկվել մեր խմբագրություն, որտեղ երևում է, թե ինչպիսի հետևանքներ է ունեցել կարկուտը Ջրաշենի ցանկատարածությունների վրա։ Տեսագրությունն ուղարկել է տեղացիներից Գուրգեն Սարգսյանը։
Տեսագրության մեջ երևում է, թե ինչ վնասներ են կրել Ջրաշենում ցորենի արտերը։ Նկարահանողը մեկնաբանում է, որ ցորենն ընտիր է եղել մինչ կարկուտի տեղալը։ Ընդ որում, Ջրաշենում եղանակային այս հատվածում կարկտային առատ տեղումների որոշակի միտում կա․ դրանք հաճախադեպ են։
Գ․ Սարգսյանի ուղարկած տեսագրությունը Ջրաշենից՝ վարը կցված նյութի մեջ։
