Քրիստինե Պեպլյանի համար դեկտեմբերի 21-ը առանձնահատուկ նշանակություն ունի, քանի որ այդ օրը նրա միակ որդու՝ Արեգի ծննդյան օրն է։ Արեգի ծնունդից ի վեր Քրիստինեն որդու մասին իր մայրական ջերմ սերն արտահայտել է՝ առանց Արեգի դեմքը ցուցադրելու։
Այսօր Քրիստինեն որդու ծննդյան օրվա առիթով բացառություն է արել։ Նա ոչ միայն հրապարակել է որդու դեմքը պատկերող լուսանկար, այլ նաև հատուկ երգ է ներկայացրել, որը գրված է Արեգի համար և Արեգի անունով։
Քրիստինեի ներկայացրած ստեղծագործության երաժշտության հեղինակը և գործիքավորողը Գուրո Գասպարյանն է, իսկ խոսքերը պատկանում են Անահիտ Մխիթարյանին։ Երգը դեռևս առանց հատուկ տեսահոլովակի է ներկայացվում։
Որդու ծննդյան օրվա առիթով ներկայացրած Քրիստինե Պեպլյանի նոր ստեղծագործությունը կարող եք ունկնդրել ստորև կցված նյութի մեջ։ Օգտատերերը հիացական արձագանքներ են տվել Ք․ Պեպելյանին՝ մաղթելով բարին բոլոր ընտանիքների արեգակ երեխաներին։
