Հարգված բժիշկ Վահե Տեր-Մինասյանն ամբողջ տարին աշխատում է գերլավրած աշխատանքային գրաֆիկով։ Նա երբեմն իր լեցուն ու հագեցած աշխատանքային օրվա մասին անդրադարձ-հրապարակումներ է անում։
Տարվա հիմնական մասն աշխատանքային գործունեությանը նվիրած բժիշկն ամառը նվիրում է ընտանեկան հանգստին։ Նա ընտանիքի անդամների կամ միայն կնոջ հետ շարունակական ճամփորդությունների է մեկնում՝ վայելելով ամառային ջերմ օրերը։
Վահեն շաբաթներ առաջ Եվրոպայում էր։ Տարբեր քաղաքներում հետաքրքիր բացահայտումներ անելուց հետո նա կնոջ հետ վերադարձել է հայրենիք՝ հայաստանյան տեսարժան վայրերը բացահայտելու և վայելելու համար։ Նրանք միասին այցելում են հայաստանյան ուշագրավ ու չքնաղ վայրեր։
Վահե Տեր-Մինասյանը հերթական անգամ գնացել է Տավուշի մարզ, եղել է Դիլիջանում, այցելել է հնագույն ավանդ ունեցող եկեղեցական համալիրներից մեկը՝ Գոշավանք։ Գոշավանքի մոտակայքից տիկնոջ հետ լուսանկար է տեղադրել՝ այն անվանելով Վայելք։
Լուսանկարի հետնամասում նկատելի է Գոշավանքը և նրան շրջապատող գեղեցիկ բնաշխարհը։
