Վերա Պոլոզկովան ռուսական միջավայրում ամենից հայտնի և ընթերցվող ժամանակակից հեղինակներից է։ Նա նաև հայտնի դերասանուհի և երգչուհի է։ Նա գրում է տարբեր թեմաներով բանաստեղծություններ, որոնք հաճույքով են ընդունվում և ընթերցվում ոչ միայն ռուսական միջավայրում, այլ նաև դրա սահմաններից դուրս։
Վերջերս բանաստեղծուհին հանդես է եկել մի շատ կարևոր նախաձեռնությամբ։ Նա փետրվարի տասնյոթի երեկոյան օնլայն հանդիպում է կազմակերպել իր ընթերցողների և առհասարակ իր գրականությամբ հետաքրքրվողների հետ։
Հանդիպմանը մասնակցելու հնարավորությունը վճարովի է եղել։ Վերա Պոլոզկովան տեղեկացրել է, որ հանդիպման ժամանակ ընթերցելու և քննարկելու են իր ստեղծագործությունները, իսկ այդ հանդիպման արդյունքում հավաքված գումարը տրամադրվելու է հայկական ընտանիքի։
Ընթերցելու համար հեղինակն ընտրել է ստեղծագործություններ բոլորովին վերջերս հրապարակված իր գրքից։
Բանաստեղծուհին տեղեկացրել է, որ այդ ընտանիքը Արցախից է և տուժել է արցախյան վերջին պատերազմի արդյունքում։ Նրա այս նախաձեռնությունը մեծ ոգևորությամբ է ընդունվել շատերի կողմից։
