Հանրաճանաչ օդերևութաբան Սուրենյան Գագիկը շարունակում է բնության ուշագրավ դրսևորումների մասին փաստերն իր հարթակում տեղադրել՝ զարմացնելով հետևորդներին։ Նա հերթական լուսանկարն է տեղադրել՝ հայտնելով, որ Հայաստան երկրի քարտեզն է պատկերվել ամպերի մեջ։
Լուսանկարն արվել է հայաստանյան Ագարակ բնակավայրում։ Լուսանկարում երևում է, թե ինչպես է ընդհանուր ամպամածության մեջ երկնքի մի որոշակի հատված փայլատակում, իսկ փայլատակող հատվածը նման է Հայաստանի քարտեզին։
Օդերևութաբանի այս հրապարակման ներքո տեղ են գտել ուշագրավ մեկնաբանություններ ու կարծիքներ։ Օգտատերերից ոմանք սա ինչ-որ կարևոր ու դրական նշան են համարել՝ նշելով, որ պատահական չէ այն։ Օգտատերերից ոմանք էլ արձանագրել են, որ քարտեզում Հայաստանն առանց Արցախի հատվածի է երևում։
Օգտատերերից մեկն էլ Գ․ Սուրենյանին քննադատել է հրապարակման համար՝ նշելով, որ նա նորմալացնում է Հայաստանն առանց Արցախի ընդունելու գաղափարը, ապա հավելել է հետևյալը․ «Վաղը երկնքում շուտով թուրքի ֆէսեր եք տեսնելու»։
