Չնայած երկու տարի է, ինչ պատերազմը ավարտվել է, դեռ քան զինվորականներ, որոնց ճակատագիրը շարունակում է ցավալիորեն անհայտ մնալ, իսկ ոմանք էլ շարունակում են գտնվել գերության մեջ։ Գերության մեջ գտնվողներին դատապարտել են Ադրբեջանում։
Վերջերս ադրբեջանական լրատվամիջոցները տեղեկացրել են, որ դատական գործընթացների արդյունքում չորս հայ գերիների դատավճիռը մեղմվել է, որի արդյունքում նրանք ազատ են արձակվել բանտարկությունից։
Նախօրեին պարզվեց, որ ադրբեջանական կողմից Հայաստան են ուղարկվել հինգ հայեր, որոնք ամիսներ շարունակ գտնվել են գերության մեջ։ Ինչպես Շիրակի մարզպեսը շտապեց արձանագրել, վերադարձողներից չորսը Շիրակի մարզից են։
Հայրենիք վերադարձածներից Շիրակի մարզից են Գևորգյան Աշոտը, Գրիգորյան Ֆելիքսը, Մանուկյան Վարազդատը, Աղրամանյան Մարտինը։ Իսկ Հովսեփյան Էդիկը Վանաձորից է։
Հայկական կողմից այս իրողությունը որակվել է որպես դրական քայլ հարաբերությունների կարգավորմանն ուղղված։ Այս պահի դրությամբ հայրենիք վերադարձած գերիների թիվը հասել է հարյուր հիսունհինգի։
