Ինչպես արդեն տեղեկացրել ենք, մարտի 5-ին կինոթատրոններում կհայտնվի «Վազգեն. Վերջին Սպարապետը» ֆիլմը, որը պատմում է Ազգային հերոս, Սպարապետ Վազգեն Սարգսյանի կյանքի մասին՝ հիմնված իրական դեպքերի վրա։
«Այս կերպարն ինձ համար շատ կարևոր էր՝ ոչ միայն Վազգեն Սարգսյանի ընտանիքի, այլև ողջ հայ ժողովրդի համար։ Իզուր չէ, որ ասում են՝ Գրետա մայրիկը բոլորի մայրն է։
Եթե Խորենը արտաքնապես հիշեցնում է Սպարապետին, ապա իմ դեպքում, քանի որ ֆիզիկապես նման չեմ այդ կերպարին, բավական դժվար էր դերի ստանձնելը»,- անկեղծացավ դերասանուհի Մարջան Ավետիսյանը։
Նա ընդգծեց, որ այս դերը մեծ պատասխանատվություն էր իր վրա դնում, բայց հույս ունի, որ կերպարի ներշնչանքն ու այն զգացմունքներն, որ ապրեց խաղալիս, հաջողությամբ փոխանցեց Գրետա մայրիկի անսահման սիրով լի վերաբերմունքը իր որդու, ընտանիքի և հայրենիքի նկատմամբ։
«Չէի պատկերացնի, որ Խորենի մայր եմ լինելու, քանի որ գրեթե նույն տարիքի եմ նրա հետ»,- նշեց Մարջան Ավետիսյանը։ Նա ավելացրեց, որ ֆիլմի պրեմիերային մասնակցելը մի քիչ անհանգստություն է առաջացնում, բայց միևնույն ժամանակ մեծ հպարտություն։
