Մհերը Հայաստանում է։ Նրա Հայաստանում գտնվելը առիթ է դարձել, որ Նազենի Հովհաննիսյանի հետ հետաքրքիր մի հաղորդում պատրաստի, որի շրջանակում կպատմի իր կյանքի՝ շատերին անհայտ իրադարձությունների մասին։
Մհերը, ինչպես պարզվում է, սովորել է Մ․ Նալբանդյանի անվան դպրոցում, քանի որ այնտեղ դասավանդել է նրա մայրը՝ Աղավնի Հարությունյանը։ Մհերը չի թաքցնում, որ դպրոցական տարիներն իր համար բավականին սթրեսային են եղել։
Մհերի մայրն աշխարհագրության ուսուցչուհի է եղել, իսկ Մհերը լավ չի սովորել իր մայրիկի դասավանդած առարկան, իսկ մայրը նրան մի օր դասից դուրս է արել խոսելու համար։ Ժուռնալիստիկայի ֆակուլտետ դիմելու համար ազդակ է տվել ռուսերենի ուսուցչուհին։
Մհերը հիշում է, որ ինքը շարադրությունը սխալ ենթատեքստով է հասկացել և հենց սխալ ենթատեքստով էլ գրել է այն, որից հետո էլ լրագրող դառնալու խորհուրդ է ստացել։ Մհերի ու մայրիկի հարաբերությունների, Անիի նկատմամբ զգացմունքների մասին ուշագրավ մանրամասներ կարող եք դիտել կից։
