Երիտասարդ արտիստներ Դավիթ Աֆրիկյանն ու Մարինկա Խաչատրյանը ինքնատիպ կերպարներ են, որոնք իրենց արտիստական ուղին անցնում են յուրովի։ Երկուսն էլ, լինելով գեղեցկատես ու հմայիչ երիտասարդներ, համարվում են ամենացանկալի փեսացուներից և հարսնացուներից։
Դավիթ Աֆրիկյանն իր անձնական հարցերի մասին հանրային որևէ հրապարակում չի արել, երբևէ այդ թեմայի շուրջ չի ակտիվացել։ Մարինկան երբեմն ակնարկային հրապարակումներ արել է տարբեր առիթներով, սակայն լիարժեք անկեղծություն այս հարցի շուրջ նա ևս թույլ չի տվել։
Ահա Մարինկան իր հարթակում լուսանկարներ է տեղադրել, որոնցում նա Դավիթի հետ է։ Լուսանկարները բավականին ռոմանտիկ են, իսկ Մարինկայի թողած մեկնաբանությունը ցրում է զույգի միասին լինելու մասին առաջ եկած կասկածները։
Մարինկան իր ու Դավիթի համատեղ կադրերին կից գրել է այսպես․ «Ինչպես սիրտս մտար, ինչպես քո սիրտը մտա»։ Այս մեկնաբանությունը Մարինկայի և Դավիթի երկրպագուների շրջանում մեծ ոգևորություն և իրարանցում է առաջ բերել, ինչի մասին վկայում են նրանց կողմից դերասանների համատեղ կադրերի վերահրապարակումները։
