Արամեն հանդես է եկել գեղեցիկ նոր ստեղծագործության ներկայացմամբ։ Ստեղծագործությունը վերնագրված է «Արև Լուսին»։ Այն երկու թանկ ու կարևոր մարդկանց մասին է։
Երգը բացառիկ է նրանով, որ հաճախ շոու բիզնեսի տարբեր ներկայացուցիչների հետ դուետային կատարումներով և համագործակցությամբ հանդես եկող Արամեն այս անգամ հանդես է գալիս իր սիրելի տիկնոջ՝ Աննա Թովմասյանի հետ։
Պարզվում է՝ Աննան նույնպես լավ երգել գիտի։ Նա կարողացել է տաղանդավոր ամուսնու հետ միասին գեղեցիկ և ներդաշնակ կերպով ներկայացնել ռիթմիկ ու աշխույժ երգը, որի խոսքերը հեղինակել է Բարսեղյան Ավետը, իսկ երաժշտությունը Կարեն Սևակինն է։
Երգի յութուբյան հրապարակման ներքո կա ծանոթագրություն այն մասին, որ այդ ստեղծագործությունը նվիրվում է Անժելա և Ռուզաննա Սուքիասյանցիներին։ Ստեղծագործությունը մատուցվում է առանց որևիցե տեսահոլովակի։
Արամեի և նրա տիկնոջ՝ Աննայի կատարմամբ հնչող «Արև լուսին» ռիթմիկ ու հետաքրքիր ստեղծագործությունը կարող եք ունկնդրել ստորև կցված նյութի մեջ։
