Արտակ Ժամկոչյանը ԱԱԾ զորքերի զինծառայող էր, նվիրյալ հայորդի, ով իր ծնունդով ոչ միայն նոր կյանք, խինդ ու ուրախություն էր բերել հետերկրաշարժյան մղձшվանջ ապրող ընտանիքին, այլ նաև իր ողջ կյանքը ծառայեցրել էր հայրենիքի բարօրությանը:
Արտակը ծնունդով Վահրամաբերդից էր: Նա ամուսնացած էր Հեղինեի հետ: Հեղինեն ժամանակին Արտակի համադասարանցին է եղել: Հետո սովորել է ժուռնալիստիկայի ֆակուլտետում և աշխատանքի անցել Ցայգ հեռուստաընկերությունում:
Նրանք մեկ դուստր ունեն, ում անվանել են Արտակի մայրիկի՝ Շուշանի պատվին: Աղջիկը շատ կապված է հոր հետ և նրա ամենից մտերիմ ընկերն է եղել հոր կենդանության ժամանակ:
Արտակը պшտերազմի մեկնարկից երկու օր անց առանց տուն գալու, հենց աշխատավայրից անմիջապես մեկնել է Արցախ, որտեղ շուրջ տասնվեց օր հերոսական պայքար է մղել Իշխանաձորի հատվածում՝ անմահանալով հոկտեմբերի տասնվեցին:
Արտակի կինը՝ Հեղինեն, որոշել է թողնել սիրելի աշխատանքը, շարունակել սիրելի ամուսնու գործը՝ իրականություն դարձնելով նրա բոլոր երազանքներն ու նպատակները:
