Այսօր սիրված ու լեգենդար դերասանուհի Վարդուհի Վարդերեսյանի հերթական ծննդյան տարեդարձն է, օր, որը հիշեցնում է լեգենդար արտիստուհու խաղացած դերերը, տիպային կերպարները։ Ապագա դերասանուհու ծնողները ապրել են Բուխարեստում, երբ ծնվել է նա։
Հետո ընտանիքը հայրենիք է եկել։ Վարդուհին սկսել է զբաղվել դերասանությամբ։ Առաջին փորձառությունը Նուբարաշենի ինքնագործ թատերական բեմում է եղել։ Հետո հանդես է եկել Գյումրվա, ապա նաև Երևանի թատրոնների բեմերում։
Ամուսնացել է դերասան Գևորգ Աբաջյանի հետ։ Դերասանուհին այն առաջիններից է եղել, ով հանդես է եկել հեռուստաներկայացումներում։ Ունի ֆիլմերում հանդես գալու լուրջ ու հաջողված փորձառություն։
Հայ թատրոնն ու կինոն բարեբախտություն է ունեցել բավականին երկար վայելելու Վ․ Վարդերեսյանի նման տաղանդավոր ու բազմաշնորհ արտիստուհու ներկայությունը։ Նա բավականին երկար ու արդյունավոտ կյանք է ունեցել։
Ցավոք, արդեն վեց տարի է, ինչ տաղանդաշատ արտիստուհին ֆիզիկապես մեզ հետ չէ։ Նա կյանքին հրաժեշտ է տվել ութսունյոթամյա հասակում։
