Քառասուն օր առաջ համավարակի պատճառով կյանքին հրաժեշտ տվեց Հայաստանի երրորդ նախագահի տիկինը՝ Ռիտա Սարգսյանը, ով առավելաբար հայտնի էր որպես պայծառ ու լուսավոր անձնավորություն:
Նրա մահը շատ անսպասելի և անժամանակ էր: Ռիտա Սարգսյանի ցավալի մահվան քառասուն օրվա կապակցությամբ հուզիչ հրապարակում է արել երգիչ Մհերը, ով անձնապես բավականին մտերիմ է եղել տիկնոջ հետ:
Մհերը գրել է, որ արդեն քառասուն օր է անցել այն օրից, ինչ մեզ հետ չէ Հայաստանի առաջին տիկինը՝ Ռ. Սարգսյանը: Ապա երգիչն ավելացրել է, որ Ռիտա Ալեքսանդրովնա Սարգսյանը համաշխարհային մասշտաբների անհատականություն էր:
Մհերը նշել է, որ իր համար մեծ պատիվ է եղել առաջին տիկնոջը անձնապես ճանաչելը և նրա հետ անձնական շփում ունենալը: Երգիչն իր հրապարակումն ավարտել է՝ նշելով, որ շարունակում են սիրով հիշել և գնահատել առաջին տիկնոջը, նրա հիշատակը վառ է ու լուսավոր:
