Հայկական ավանդական գաթան համարվում է հայկական խոհանոցի թխվածքների թագուհին։ Այս զարդարում է ինչպես տոնական սեղանը, այնպես էլ ամենօրյա թեյի կամ սուրճի սեղանը։ Ամբողջ ընտանիքի կողմից սիրով ընդունվող գաթան ունի յուրահատուկ համ, որը բխում է հայկական ավանդական բաղադրատոմսից։ Այն պատրաստվում է մատչելի բաղադրիչներով, որտեղ յուրաքանչուր բաղադրիչ առանձնահատուկ կարևորություն ունի։ Առաջարկում ենք փորձված բաղադրատոմս։
Անհրաժեշտ բաղադրիչներն են.
Խմորի համար
320 գրամ ալյուր
150 գ կարագ
100 մլ մածուն, կարելի է փոխարինել թթվասերով կամ կեֆիրով
1 ձու
1 թեյի գդալ փխրեցուցիչ
Մի պտղունց աղ
Խորիզի համար անհրաժեշտ են հետևյալ բաղադրիչները
50 գ ալյուր
90 գ շաքարավազ
30 գ կարագ
50 նուշ
Պատրաստման եղանակը
Սառը կարագը կտրատել խորանարդիկներով և խառնել ալյուրի հետ՝ ձեռքով տրորելով։ Մածունին ավելացնել ձուն և լավ խառնել, որ ստացվի համասեռ։ Այնուհետև իրար ենք միացնում չոր և թաց բաղադրիչները։ Լավ խառնել և կես ժամով դնել սառնարանը։
Նուշը մանրացնել այնպես, որ ստացվի փոշի։ Խորիզի համար նախատեսված ալյուրը բովել՝ մինչև վարդագունի։ Ավելացնել մանրացված նուշը, կարագը և տրորելով ստանում ենք խորիզային զանգված։
Խմորը բաժանում ենք երկու մասի։ Յուրաքանչյուր մասը բացում ենք ուղանկյունաձև և վրան տարածում ենք խորիզը, այնուհետև պտտում ենք գլանաձև։
Մեկ հավկիթի դեղնուցը հարում ենք, քսում ենք խմորի վրա, պատառաքաղի օգնությամբ խմորի վրա նախշեր ենք անում և կտրատում ու տեղափոխում ջեռոց։
Արդյունքում ստացվում է նրբահամ և անչափ համեղ թխվածք։
