Դժվար թե գտնվի մեկը, ով չի ճանաչում Գագիկ Սուրենյանին։ Նրա հաղորդումներն ամենասպասվածն են։ Երբ եթերում Գագիկ Սուրենյանն է, ապա բոլորն ուշի-ուշով լսում են եղանակի մասին նրա կանխատեսումները։ Նրա համով-հոտով հումորները բարձրացնում են բոլորիս տրամադրությունը։
Գագիկ Սուրենյանը լույս աշխարհ է եկել 1984 թվականին, սեպտեմբերի 16-ին Երևանում։ Ուսում է ստացել Երևանի պետական համալսարանում, ավարտել է աշխարհագրության ֆակուլտետի օդերևութաբանության բաժինը։ Ի տարբերություն իր հասակակիցների, նրան շատ էին հետաքրքրում բնության երևույթները։
Աշխարհագրության ուսուցչուհուն խնդրում էր իրեն ավելի շատ գիտելիքներ հաղորդել բնության երևույթների մասին, ավելին, նա ձեռք է բերել օդերևութաբանության վերաբերյալ ձեռնարկ, որը մեծ հետաքրքրությամբ ուսումնասիրել է։ Պարզել է Հայպետֆիդրոմետի շինության գտնվելու վայրը, որտեղ էլ նախնական գիտելիքներ է ստացել եղանակի կանխատեսման մասին։
Նա համալսարան է ընդունվել, արդեն իսկ ունենալով գործնական գիտելիքներ և առաջին կուրսում աշխատանքի հրավեր է ստացել Հայպետհիդրոմետից։
Քչերը գիտեն, որ Գագիկ Սուրենյանը նաև զբաղվել է պրոդյուսերությամբ։ Նա ֆիլմ է նկարահանել՝ նվիրված ժողովրդական երգչուհի Օֆելյա Համբարձումյանին։ Ֆիլմը կոչվում է «Օֆելյա» ի պատիվ ճանաչված երգչուհու։ Ֆիլմում ներկայացված է երգչուհու կյանքի պատմությունը։
Գագիկ Սուրենյանը Օֆելյա Համբարձումյանի երգերի մեծ երկրպագուն է, եղել է նրա մտերիմն ու բարեկամը։
Համլսարանում ուսանելու ընթացքում հանդիպել է ապագա կնոջը և ստեղծել են ամուր ու օրինակելի ընտանիք։ Նրանք ունեն երկու դուստր։
