Քիմ Քարդաշյանի և Քանյե Ուեսթի 6-ամյա դուստրը՝ Նորթ Ուեսթը, դեռևս չի կողմնորոշվել ապագա մասնագիտության հարցում, այդ պատճառով փորձում է իրեն տարբեր մասնագիտություններում։ Աղջնակը, մայրիկի պես, սիրում է գեղեցկության ու նորաձևության աշխարհը, հայրիկի պես էլ՝ երաժշտությունը։
Երեկ Նորթը ռեփ կատարմամբ հանդես է եկել հայրիկի Yeezy բրենդի ցուցադրությանը, որը տեղի է ունեցել Փարիզի նորաձևության շաբաթի շրջանակներում։
Դուրս գալով պոդիում՝ աղջիկը, կանգնելով մոդելների կողքին, իր կոշիկների մասին ռեփ է կարդացել։ Ներկա հյուրերը հիացած բացականչել են, բայց, ամենաերջանիկը, վստահորեն, այդ օրը փոքրիկ Նորթի ծնողներն են եղել։
Քիմն ինստագրամյան սթորի բաժնում տեղադրել է դստեր ելույթը և գրել․ «Այնքան հպարտ եմ իմ Նորթիով։ Նրա առաջին ելույթն ինձ լացացրեց։
Նա ցնցող ելույթ ունեցավ բեմում իր հայրիկի Yeezy Season 8 fashion show-ի շրջանակներում։ Ծափահարություններս Զազային։ Հուսամ՝ հավանել ես Նորթի ռեմիքսը»։
