Հանրահայտ ու սիրելի երգիչներից մեկի՝ Արամեի տարեդարձն է։ Հաջողակ ու տաղանդավոր երգիչը Եղիազարյան Մարատի և Կարապետյան Ռուզաննայի երեք զավակներից մեկն է։
Արամեն, որ լույս աշխարհ է եկել հայրենիքի Արմավիր քաղաքում, հետո երկու տարեկանում ծնողների որոշմամբ փոխադրվել ու ապրել է Երևանում, իսկ երբ բոլորել է տասը տարին, ընտանիքի հետ ապրելու է փոխադրվել Ռուսաստան։
Ռուսաստանում Արամեն ուսանել է «Արևիկ» կոչվող մանկապատանեկան երգի համույթում՝ ստանալով առաջին երաժշտական փորձառությունը և անելով առաջին քայլերը երգարվեստի ասպարեզում։
Ավելի հասուն տարիքում կարիերան ու հոգու կանչն Արամեին դարձյալ հայրենիք են վերադարձրել, որտեղ էլ մինչ օրս ապրում է երգիչը։ Նա հայրենիքում գեղեցիկ ընտանիք է կառուցել՝ ամուսնանալով Աննայի հետ։
Աննան և Արամեն երկու զավակների ծնողներ են։ Նրանք մեկ դուստր և որդի ունեն։ Աննայի և Արամեի երեխաները, մեծանալով երաժշտական միջավայրում, ունեն երաժշտական հակումներ։
