Սիրված երգչուհիներից Լեյլա Սարիբեկյանն այսօր բոլորում է ծննդյան 61 տարին։ Երգչուհին ծնվել է Վրաստանի մայրաքաղաքում, սակայն հետագա կյանքն ապրել է հայրենիքում։ Նա դպրոցական կրթությունը ստացել է Դ․ Վարուժանի անունը կրող դպրոցում։
Դպրոցիցի հետո երաժշտական կրթություն է ստացել Մանկավարժական համալսարանի Երգ-երաժշտության ֆակուլտետում։ Հետագա տարիներին երգեցողությանը զուգահեռ Լեյլա Սարիբեկյանը զբաղվել է նաև մանկավարժական գործունեությամբ։
Լեյլա Սարիբեկյանը հանդես է եկել տարբեր հեղինակավոր մրցույթների ու երաժշտական փառատոնների՝ գրեթե միշտ լավագույնս ներկայանալով ու պատվավոր մրցանակների արժանանալով։ Երգչուհին հատկապես հայտնի ու սիրելի է իր ժողովրդական, ազգագրական երգերի կատարումներով։
Լելյա Սարիբեկյանը նաև մի շարք երաժշտական հայտնի նախագծերում հանդես է եկել որպես գնահատող ժյուրիի անդամ՝ իր կարծիքի և պրոֆեսիոնալ գնահատման շնորհիվ առաջին պլան բերելով տաղանդավոր երիտասարդ դեմքերի։
Լեյլա Սարիբեկյանն ամուսնացած է Արսեն Յախանեջյանի հետ, ով մասնագիտությամբ ատամնատեխնիկ է։ Նրանք հանդիպել են դպրոցում, իսկ այժմ երկու տղաներ ունեն, ովքեր արդեն չափահաս մարդիկ են։
