Հայտնի արտիստուհի Անահիտ Կիրակոսյանը ներկայացել է նորովի։ Նա իր հարցազրույցներում հաճախ էր ասում, որ գուցե սկսի իր հետևորդների հետ խոսել երգերի միջոցով։ Ահա եկել է այդ պահը և արտիստուհին հանդես է եկել նոր երգի ներկայացմամբ։
Անահիտը երգում է Քրիստինա Ագիլերայի «Դու կորցրեցիր ինձ» երգը՝ զուգահեռ մատուցելով տեսահոլովակ, որտեղ տեսնում ենք Անահիտին տարբեր հոգեվիճակներով ու ապրումներով։ Տեսահոլովակն իր հարթակում տեսադրելով՝ Անահիտը գրել է այսպես․
«Այս տեսահոլովակը, որ ուզում եմ հանձնել Ձեր դատին, շատ կարևոր է ինձ համար։ Նպատակս բացահայտել Ձեզ համար բոլորովին այլ Անահիտ․ հուսամ ստացվել է։ Հոլովակի վրա չի աշխատել մեծ թիմ՝ ռեժիսյորներ, օպերատորներ, դրոններ, նկարիչներ, դիմահարդարներ, լուսավորողներ և այլն։
Հատուկ շնորհակալություն ՀՀ կոմպոզիտորների միությանը, Էդմոնդ Մակարյանին։ Ամենամեծ Շնորհակալությունը չափից դուրս տաղանդավոր և համեստ Բենին իր մարդ տեսակի, պատրաստակամության, ճաշակի, որակի ու նվիրվածության համար։ Բարի դիտում։ Յուրաքանչյուրիդ կարծիքը կարևոր է ինձ համար»։
