Հայտնի երգիչ Վաչե Ամարյանը նոր երգի պրեմիրերայով է ներկայացել։ Նա տեսահոլովակի զուգակցությամբ աշխույժ ու ռիթմիկ երգ է ներկայացրել, որը վերնագրված է «Տանում ա»։ Երգն արդեն իսկ բավականին լայն դրական արձագանքների է արժանացել։
Երգը ոճային առումով որոշակիորեն նմանվում է Արամ Ասատրյանի երգերին։ Երգիչը նկարահանվել է տեսահոլովակում, որը էկզոտիկ տեսարաններով և հետաքրքիր լուծումներով է հարուստ։ Նկատելի է, որ միջավայրն Ամերիկան է։
Ստեղծագործության երաժշտության հեղինակն անձամբ երգիչն է՝ Վաչեն, իսկ խոսքերը հեղինակել է Նարեկ Ստամբոլցյանը։ Երաժշտության գործիքավորմամբ զբաղվել է Տիգրան Շահունցը։ Հետաքրքիր թեմատիկ տեսահոլովակի ռեժիսորը Գևորգ Ջուգուրյանն է։
Տեսահոլովակում առկա է նաև խորեգրաֆիական ներկայացման ուշագրավ հատված։ Տեսահոլովակում Վաչեն ներկայանում է կովբոյի կերպարում։ Նա է կերպավորում տեսահոլովակի գլխավոր հերոսին։
Վաչե Ամարյանի ներկայացրած նոր, հետաքրքիր լուծումներով ստեղծագործության պրեմիերան կարող եք դիտել ստորև կցված նյութի մեջ՝ թողնելով նաև ձեր կարծիքը։
