Խուրշուդյան Հռիփսիմեն երեք ամիս շարունակ անձնվեր պայքարել ու մարզվել է, որ Եվրոպայի առաջնությանը պատվով մասնակցի ու, ինչպես ինքն է խոստովանում, որ բարձրացնի հայկական եռագույնը, հնչեցնի հիմնը։
Չնայած Հռիփսիմեն չկարողացավ այս անգամ հնչեցնել հիմնը և բարձրացնել դրոշը, սակայն բրոնզե մեդալ նվաճեց, որն իր համար ավելին է, քան ոսկին, քանզի այն համառ մրցումների արդյունքում է նվաճել։ Հռիփսիմեն խոստովանում է, որ վնասվածք է ունեցել, որն իրեն զգացնել է տվել։
Հռիփսիմեի ավագ տղան, որին մայրը գրեթե երեք ամիս մարզումների պատճառով չէր տեսել, առաջնությանը ներկա է եղել։ Նա ասում է, որ իր համար կարևոր չէ մայրիկի մեդալի որակը, քանի որ նա մայրիկին առանց դրա էլ շատ է սիրում։
Հռիփսիմեն հուզմունքով խոստովանում է, որ տանն էլ իրեն անհամբեր փոքրիկ զավակն է սպասում։ Մոր և որդու հուզիչ խոսքերը կարող եք դիտել կցված նյութում։
