55-ամյա գեղեցկուհի Մոնիկա Բելուչչիի և 53-ամյա Վենսան Կասելի դուստրը՝ 15-ամյա Դեվան, արդեն առաջին տարին չէ, ինչ համագործակցում է «Dolce & Gabbana» բրենդի հետ, որի մուսան իր մայրիկն է։ Դեվան հաճախ է մասնակցում բրենդի ցուցադրություններին, իսկ օրերս գեղեցկուհին դարձել է գարնանը վաճառքի մեջ մտնող «Dolce Shine» կանացի բույրի նոր դեմքը։
Համացանցում է հայտնվել 15-ամյա Դեվայի լուսանկարները՝ ֆոտոսեսիայից։ Նա ներկայացել է սպիտակ ժանյակապատ զգեստով՝ ձեռքին վառ ծաղկեփնջով։
Գովազդային արշավը նկարահանվել է իտալական Ամալֆայի ափին։ Բույրն ստեղծել է պարֆյումեր Մարի Սալամանը։
Այն կազմված է սերկևիլի, գրեյպֆրուտի և մանգոյի մրգային նոտաներից՝ նարնջի ծաղկի ու հասմիկի հիմքով։
«Dolce & Gabbana» բրենդը սիրում է համագործակցել հայտնիների երեխաների հետ։
Արդեն իսկ նկարահանվել են Չարլի Չապլինի 23-ամյա թոռը՝ Քևին Չապլինը, Պամելա Անդերսոնի որդիները՝ Բրենդոն Թոմաս Լին և Դիլան Ջագեր Լին, անգամ Ուինսթոն Չերչիլի և արքայադուստր Դիանայի բարեկամը՝ Ջորջ Սփենսեր-Չերչիլը և այլ աստղերի երեխաներ։
