Յուրահատուկ ոճային առանձնահատկությամբ աչքի ընկնող արտիստ Գոռ Հակոբյանը, ով հաջողությամբ կարողանում է համատեղել երգարվեստն ու դերասանական արվեստը: Նա ներկայումս մասնակցում է «Հարս չկա» հեռուստասերիալում: Նոր երգն էլ հենց հեռուստասերիալում հնչող երգ է:
Երգը վերնագրված է «Կներես»: Այն թեմատիկ սերտ առնչություն ունի սերիալի իրադարձությունների հետ, իսկ տեսահոլովակում նկարահանվել են հենց սերիալի դերասանները՝ Գոռը, Բենը և Անին, ովքեր միասին սերիալում կազմել են հետաքրքիր սիրային եռանկյունի:
Շարունակաբար Բետտիին խանդող Գոռը, ով ֆիլմում նույնպես երգիչ է, որոշել է իր անհարկի խանդի տեսարանների համար յուրօրինակ կերպով՝ երգով ներողություն խնդրել սիրելիից:
Բեն Ավետիսյանի կերպարը՝ Արեգ Փոլադյանը ևս ներկա է տեսահոլովակում. նա, ինչպես միշտ կողքի աչք՝ դիտորդ:
Նշենք, որ երգի երաժշտության և խոսքերի հեղինակն անձամբ Գոռն է: Երգը հետաքրքիր գործիքավորում ունի և հաճույքով է լսվում: Արդեն շատերը հասցրել են հնչեցնել իրենց գնահատողական կարծիքները երգի և տեսահոլովակի առիթով:
