Դումիկյան Արկադին նոր երգի ու տեսահոլովակի պրեմիերա է ներկայացնել՝ դուետային կատարմամբ հանդես գալով Սուպեր Ժորիկի հետ։ Նրանց ներկայացրած երգը վերնագրված է «Երևան»։ Երգը որոշ չափով հումորային ենթատեքստ ունի, որն արտահայտված է նաև հոլովակում։
Երգիչները երգը մատուցում են ռուսերենով։ Երգը գովաբանական գործ է համայն հայերի լավագույն մայրաքաղաքի՝ Երևանի մասին, որը հայերի սիրտն ու հոգին է։ Երգի երաժշտության հեղինակը Հայկ Ղուլյանն է։
Ստեղծագործության խոսքերը հեղինակել են Հայկ Ղուլյանն ու Գարիկ Մարտիրոսյանը։ Ստեղծագործության գաղափարը պատկանում է Ամարաս Գասպարյանին։ Ստեղծագործության երաժշտությունը հարուստ է հայկական կոլորիտային երաժշտությամբ։ Հնչում են հայկական երաժշտական գործիքներ։
Կլարնետը հնչեցնում է Վագան Զաքարյանը, դհոլը հնչեցնում է Ջոնի Հովհաննիսյանը, իսկ կիթառը՝ Տիգրան Շահունցը։ Հոլովակում երգիչները հանդես են գալիս նաև դերասանների կերպարում։ Նրանք կոլորիտային հագուստ են կրում։ Արկադիի ու Սուպեր Ժորիկի մատուցմամբ հնչող «Երևան» ուրախ երգը կարող եք ունկնդրել կից։
