Աշխեն Կոստանդյանը մեր ժամանակների ամենահաջողած ու հայտնի դիմահարդարներից է։ Նա ունեցել է շատ դժվար կյանքի ճանապարհ։ Աշխենը տասներկու տարեկան է եղել, երբ դժբախտ պատահարից մահացել է եղբայրը։
Հետո այդ վշտին չի դիմացել հայրը, որը նույնպես մահացել է։ Նրանց ընտանիքը պահել է Աշխենի ավագ եղբայրը։ Ավագ եղբոր կերպարը Աշխենի համար հիացմունքի առարկա է։
Ցավոք սրտի, մահացել է նաև Աշխենի ավագ եղբայրը։ Այդ կորուստը Աշխենի համար շրջադարձային է եղել։ Նրա կյանքը կիսվել է երկու մասի։
Աշխենը խոստովանում է, որ իր բնավորությունը ձևավորվել է մայրիկի, եղբոր և այլ հարազատների բնավորությունների լավ կողմերի, ինչպես նաև իր ծանր ապրումների համատեղումից։
Նա Աբովյանից Երևան է եկել աշխատելու։ Շատ աշխատելով ու շուկան ուսումնասիրելով՝ Աշխենը հաջող գործունեություն է ծավալել։ Իսկ մինչ այդ նա տարբեր աշխատանքներ է արել՝ աշխատելով տաքսու դիսպետչերից մինչև նկարի երևակում իրականացնող։
Աշխենի հետաքրքիր և մոտիվացնող պատմությունը՝ կցված նյութի մեջ։
