Տիգրան Ներսիսյանը ժամանակին Շառլ Ազնավուրից «Սիրով՝ զարմիկիս՝ Տիգրանին, Շառլ» մակագրությամբ նվեր է ստացել։ Նվերը լեգենդար երաժշտի երգերի ժողովածուներն են։
Պարզվում է՝ Տիգրան Ներսիսյանի հայրական արմատները գալիս են Արևմտյան Հայաստանից՝ Մուշից։ Նրա պապը՝ Պողոսը, և տատը՝ Եղիսաբեթը, Մուշի Լիս գյուղից գաղթել են Թիֆլիս։ Նրանք այնտեղ երկու որդի ու երկու դուստր են լույս աշխարհ բերել։
Զավակներից Բաբկենը ամուսնացել է Ժենյայի հետ՝ տեղափոխվելով Երևան, որտեղ էլ Բաբկենը դերասանի հաջողված ճանապարհ է կերտել։ Տիգրան Ներսիսյանը, խոսելով իրենց ազգակիցների մասին, ասում է, որ մայրը՝ Ժենյան Շառլ Ազնավուրի հետ մեկ հորեղբոր թոռներ են։
Ժամանակին Ազնավուրը հայաստանյան իր բոլոր ազգակիցներին հրավիրել է ճաշկերույթի։ Այդ ճաշկերույթին մասնակցել է նաև տիկին Ժենյան, որը խուսափում էր բարձրաձայնել իրենց ազգակցական կապի մասին, որպեսզի շահարկումների առիթ չտար։
Տիկին Ժենյան ու Շառլը 1992 թվականին էլ են հանդիպել։ Այդ հանդիպման կադրերը՝ կցված նյութի մեջ։
