Հանրահայտ երգիչներից Թաթա Սիմոնյանն այն դեմքերից է, որ ունի ընկերների լայն շրջանակ և կարողանում է միանգամից ջերմ ընկերական հարաբերություններ հաստատել շատերի հետ։
Թաթայի ընկերներից շատերը հաճախ են առիթների դեպքում պատմում այն մասին, թե ինչպիսի նվիրված ընկեր է Թաթան և ինչպես է պատրաստակամորեն արձագանքում աջակցության անհրաժեշտության դեպքում։
Այսօր երգիչն իր հարթակում շնորհավորել է իր սիրելի ընկերներից մեկի՝ հանրահայտ բռնցքամարտիկ Արթուր Աբրահամի ծննդյան տարեդարձը։ Նշենք, որ Արթուր Աբրահամն այսօր բոլորում է ծննդյան քառասուներկու տարին։
Արթուրը Երևանի պատվավոր քաղաքացի է։ Բռնցքամարտի ասպարեզում իր շարունակական հաջողությունների և հաղթանակների շնորհիվ նրան տվել են «Քինգ Արթուր»՝ «Թագավոր Արթուր» պատվանունը։
Արթուրը երկու անգամ է ընտանիք կազմել՝ յուրաքանչուր ամուսնությունից մեկական զավակ ունենալով։ Արթուրի ավագը տղա է, իսկ կրտսերը՝ աղջիկ։
Թաթա Սիմոնյանը տեղադրել է իր և Արթուրի համատեղ լուսանկարներից մեկը՝ գրելով․ «Շնորհավոր ծնունդդ, Քինգ Արթուր»։ Լուսանկարում բռնցքամարտի և երգարվեստի լեգենդները միասին ճաշում են։
