Արսեն Սաֆարյանը տարեվերջին նոր ու քնքուշ երգի պրեմիերայով է ներկայացել։ Երգը ձմեռային ու ամանորյա տրամադրություն է փոխանցում՝ միաժամանակ հիշեցնելով մանկության ամանորյա հեքիաթի ու տրամադրության մասին։
Չնայած այս տարի Ամանորն առանց ձյան ու ձնառատ ամանորյա հեքիաթի ենք պատրաստվում դիմավորել, սակայն Արսեն Սաֆարյանն իր երգով փորձում է ամանորյա ձնառատ ու հեքիաթային տրամադրությունը փոխանցել՝ հաճելի զգացողություններ պարգևելով երաժշտասեր ունկնդիրներին և իր երկրպագուներին։
Ստեղծագործության երաժշտությունը Արսեն Սաֆարյանն է հեղինակել, իսկ խոսքերը հեղինակել է Արթուր Սաֆարյանը։ Ստեղծագործության երաժշտական պրոդյուսերը Սերգեյ Հովհաննիսյանն է։ Երգը մատուցող տեսահոլովակի մեջ լսվում է նաև Արամ Վարդանյանի կիթառը։
Տեսահոլովակը նկարահանել է Մարիամ Գևորգյանը, իսկ տեսահոլովակում պարողները Անտոնյան Անահիտն ու Մարկոսյան Գրիշոն է։ Արսեն Սաֆարյանի ամանորյա նվերի տեսքով մատուցված նոր ստեղծագործությունը կարող եք վայելել կցված նյութի մեջ՝ թողնելով նաև ձեր տպավորությունների մասին համառոտ մեկնաբանություն։
